دي قايمة أشهر المواقع اللى هتوفرلك شغل Freelance من البيت الموضوع مش بيتطلب منك أكتر من انك تعمل حساب على الموقع وحساب فى البنك علشان يحولوا عليه أجرك من الشغل اللى هـتعمله معاهم.

1- Freelancers

من أشهرالمواقع في عالم الـfreelancer الموقع ده بيوفرشغل للناس المهتمة بتصميم المواقع الإلكترونية و البرمجة و كتير من المجالات التانية كل اللى انت محتاجه تكون فاهم فى المجال ده، وتقدر تتواصل مع صاحب العمل باللغة الإنجليزية، بعد ما تعمل الحساب بتاعك تبتدى تدور فى الشغل المعروض، ولما تلاقى حاجة توافق مع امكانياتك تتواصل معاه وتبعت نماذج من شغلك، والسعر اللى بتشتغل بيه وربنا يوفقك.

2- 99Designs

الموقع ده مهتم بشغل الجرافيك ديزاين وهنا العميل بينزل الطلب بتاعه، وإيه الشغل المطلوب  ومجموعة مصممين بيتنافسوا انهم يشتغلوا على الفكرة والعميل بيختار المصمم الأقرب لتحقيق الفكرة اللى فى دماغه وبيتفق معاه على التفاصيل.

3- Freelance Writing Gigs

الحلو هنا إنه بيوفر شغل تبع لموهبتك، يعني لو انت موهوب فى الكتابة هتلاقى فى الموقع ده فرصة كويسة. الموقع بيوفر شغل محتوي، تدوين ، تحرير، ، وكتابة أبحاث فى كل المجالات تقريباً. ممكن كمان لو انت مبتدىء يساعدك فى تطوير مهارات الكتابة عندك.

4- مستقل

موقع عربي تابع لشركة “حسوب” و بيوفر شغل فى فئات تطوير المواقع ، البرمجة ، المبيعات، والتسويق، والتحرير، والبرمجة و الميزة هنا إنك هـتتعامل مع عرب، وده هـيسهل عليك كتير.

5- سونديلز

دي منصة عربية متخصصة في مجال التعليق الصوتي والمواهب الصوتية زي الإعلانات والأفلام الوثائقية، أعمال الدبلجة، تسجيل الكتب الصوتية، الرسائل المسجلة IVR وغيرها.