في ناس كتير بتسمع اسم الاضطراب ده وبتسأل: هو يعني إيه بالضبط؟ اضطراب الشخصية المضادة للمجتمع هو نوع من الأمراض النفسية اللي بيخلي الشخص يتجاهل حقوق ومشاعر التانيين ويعمل زي ما هو عايز من غير ما يحس بأي ندم  . يعني بكل بساطة، الشخص ده ما بيهتمش بي حد غير نفسه، وبيفكر في مصلحته فوق مصلحة غيره، ومابيفكرش في العواقب  .

غالبًا بنعرف إن حد عنده اضطراب الشخصية المضادة للمجتمع من خلال تصرفاته وعلاقاته اليومية. من أهم العلامات والأعراض اللي ممكن تلاحظها :

• قلة التعاطف والندم : يعني الشخص مش بيحس بغيره نهائي، ومش بيحس بأي ذنب لو آذي حد أو كسر حاجة . ممكن تحس إنه زي حجر، مش متأثر بالناس اللي حواليه ومايعتذرش أبدًا.

• الخداع والتلاعب : دايمًا بيحاول يخدع الناس أو يستغلهم لمصلحته الخاصة . مثلاً ممكن يسرد حكايات غير صحيحة أو يعدك بحاجات ويطلع في الآخر شايل مصلحته بس.

• مخالفة القوانين بانتظام : الشخص ده ما عندوش مشكلة يكسر القواعد سواء في الشغل أو في المجتمع، وممكن كمان يوصل لارتكاب جرائم أو مخالفات كبيرة . من وجهة نظره، القوانين دي معمولها علشانه، فهو بيتخطاها على مزاجه.

• عدم تحمل المسؤولية : مش بينتظم في شغله أو في دفع مصاريفه، ودايمًا بيتهرب من التزاماته اليومية  . مثلاً ممكن يسيب شغله فجأة من غير سبب واضح، أو ما يدفعش فواتير مهمة، وحتى في شغله ما تلاقيش فيه أمانة.

• عنيد وعدواني : بيتسرع للغضب وبشوفه دايمًا في مشكلات. لو اتخانق مع حد أو اتعرض لانتقاد بسيط، ممكن يأخذ الموضوع بعنجهية وكأنه هجوم عليه . كمان ممكن يلجأ للعنف بسهولة في الكلام أو بالأفعال.

• تهوّر ومخاطرات : بيحب يغامر بحياته وحياة غيره من غير خوف، زي مثلاً يقود عربيات بسرعات جنونية أو يجرّب مخدرات خطرة . هو مش شايف خطر كبير في اللي بيعمله، وكل اللي في دماغه هو المتعة والإثارة في اللحظة دي.

الأطباء والباحثين مش متفقين إن في سبب واحد بس لحد ما يحصل الاضطراب ده؛ لكن بيقولوا إن في شوية عوامل بتزيد الفرصة :

• العامل الوراثي : لو حد من أهلك (زي أب أو أخ مثلاً) عنده اضطراب الشخصية ده، فده ممكن يخلي فرصتك تزيد وتتعرض للاضطراب ده . باختصار، الجينات العائلية ممكن تلعب دور.

• بيئة الطفولة : الأطفال اللي عاشوا صعوبات كتير وهم صغار، زي الإهمال، التعرض للعنف الجسدي أو النفسي، أو حياة عائلية فوضوية، بيكونوا معرضين أكتر للإصابة بهذا الاضطراب بعدين . يعني لو الواحد كبر في بيت فيه مشاكل شبه كدا، ده شيء ممكن يؤثر على شخصيته.

• العوامل النفسية والبيولوجية : في دراسات بتقول إن في مواد كيميائية في المخ زي السيروتونين لما بتقل قدام بتساعد على العدوانية والاندفاعية . كمان لو فيه إصابة في جزء من المخ مسؤول عن ضبط السلوك، ده ممكن يخلي الشخص ميقدرش يتحكم في تصرفاته كويس.

• العامل الاجتماعي : في ناس بتكبر في مجتمعات شديدة أو ضاغطة، زي مجتمع بيركز على القوة والنجاح بأي تمن، أو مجتمع فيه فقر وجشع. البيئة دي ساعات بتخلي الشخص يتعلم إن المهم ياخد مصلحته بغض النظر عن اللي حواليه.

• الإحصائيات والدراسات : معظم اللي عندهم اضطراب الشخصية المعادية هم رجال بكثر ، وكمان شائع وجوده بين الفئات اللي كبرت في ظروف اجتماعية صعبة.

عشان نفهم الموضوع بصورة أوضح، ندي أمثلة (قصص حقيقية) لتصرفات الناس اللي عندهم الاضطراب ده :

هيرمان مدجت كان خريج كلية طب، وبدل ما يستخدم شغلانته في حاجة مفيدة، استغلها في إنه يضر الناس ويطلع الكبت والعدوان اللي جواه. أغلب ضحاياه كانوا ستات، وكان بيستدرجهم لفندق هو بناه مخصوص، فيه أدوار معزولة للتعذيب. كان بيخدرهم، وبعد كده يغتصبهم، ويحبسهم في أوضة ويشغل الغاز لحد ما يموتوا. بعد كده كان بيقطّعهم وياخد أعضاء من جسمهم، وده كان بيديله إحساس بالراحة. (وده يعتبر مثال متطرف على اضطراب الشخصية المضادة للمجتمع).

توني عندها ٢٣ سنة، المحكمة حولتها للطب النفسي بعد ما اتخانقت مع جارتها واتمسكت وهي معاها مخدرات. توني معروفة إنها “صعبة أو مستحيل التعامل معاها”، وهي بتحب ده، وبتقول إن الدين الوحيد اللي ماشية عليه هو “اضرب قبل ما يتضرب فيك”.

أبوها مات وهي عندها خمس سنين، وجوز أمها مش كان موجود في حياتهم، وأمها كانت بتشرب وتعنفهم أوقات. توني بدأت تهرب من حياتها السامة بالمخدرات والسرقة، ووصلت لتعذيب الحيوانات، واتحبست مرة علشان حرقت قطة.

هي ما بتحسش بأي ذنب، وقالت “طالما محدش بيشفق عليّا، ليه أنا أشفق على حد؟”

اللي مش سهل خالص في اضطراب الشخصية المضادة للمجتمع إن الناس المصابين بيه عادةً مش بيشوفوا نفسهم غلط. وعلى العكس، بيحسّوا إن تصرفاتهم طبيعية ومن حقهم. ومن النصايح اللي بيقولها الأخصائيين إنه أفضل حاجة لو قابلت شخص عنده السمات دي، إنك تخلي بينك وبينه مسافة وتحافظ على نفسك قدّ ما تقدر . يعني ما تحمّل نفسك فوق طاقتها، وخليك دايمًا واعي إن تصرفاتهم غالبًا هتبقى موجهة لمصلحتهم بس مش لمصلحتك.