نصوص التعليق الصوتي | إعلانات جاهزة للتدريب
نصوص التعليق الصوتي إعلانات بالعامية المصرية
إذا كنت لا تزال في بداية الطريق فيمكنك التعرف على أنواع وأساليب التعليق الصوتي كذلك يمكنك أن تطور مهاراتك في هذا المجال بالاستماع و تسجيل صوتك على الهاتف او في ستوديو لتحسين مهاراتك في ممارسة هذا الفن العظيم , يمكن الإعتماد على هذه النصوص في مرحلة التدريب إذا كنت تتقن اللغة العربية الفصحى أو يمكنك التدريب على نصوص التعليق الصوتي بالعامية المصرية
تعلم أيضا كيف تقف أمام الميكرفون بطريقة سليمة لتحصل على أفضل نتيجة للتسجيل , و كيفية تحديد أسعار التعليق الصوتي
نصوص التعليق الصوتي | المجموعة الأولى
إعلان سيراميكا رويال
نصوص التعليق الصوتي | حماسي
عايز تعمل بلاطة زي ديه الموضوع سهل خالص أنا هقولك إزاي
نزل إعلان في الجورنال أطلب ديزاينرز هيجيلك عيال مطرقعة شوف شغلهم
اللي ميعجبكش مشيه و اللي يعجبك متقولوش جربهم ست أشهر أديهم شغل كتير
أديهم شغل أكتر اللي يقولك مش قادر مشيه واللي يفضل سفره ألمانيا
واديه أسبانيا واديه إيطاليا حلوة إيطاليا ديه ها واديهم معارض إديهم كورسات وريهم الجديد إرجع مصر هيطلعوا شغل أحلي خد الشغل
وريه للناس معظمه هيرموه متقلقش والباقي عليه تعديلات عادي إرجع للديزاينرز هتلاقيهم فيظوو روح البنك إسحب فلوس كتير إديهم حوافز
هتلاقيهم نعنشوا هيعملوا التعديلات إنزل المعمل هيرميلك نص الشغل و يديلك تعديلات علي الباقي إرجع للديزاينرز هيصوتوا فكره بإيطاليا هيعملولك التعديلات
إنزل المعمل إطلع المصنع كله تمام خدلك كوباية شاي بس كده
سيراميكا رويال
يا بهية حقك عليا
نصوص التعليق الصوتي | رومانسي حزين
آلاف الستات المصرية مستنيين مكالمة من بهية عشان ياخدوا دورهم في العلاج
من سرطان الثدي و هيفضلوا مستنيين مع إننا في بهية جاهزين بأحدث الأجهزة
و أفضل الأطباء كل اللي ناقص الكيماوي و بتبرعاتكم هنوفر لهم الكيماوي
اللي محتاجينه و منسبش ست مصرية مستنية
ساهم علي حساب ( تمن ستات ) أو إتصل علي واحد ستتين زيرو إتنين
يا بهية حقك عليا
أورانج
نصوص التعليق الصوتي | حماسي
أورانج الراعي الرسمي لكأس الأمم الأفريقية
الحلم بيقرب هنفضل ورا منتخبنا و هنشجع لآخر نفس
أورانج الراعي الرسمي لكأس الأمم الأفريقية
معاك في اللي يبسطك .. معاك في اللي يهمك
أورانج
إعلان مؤسسة مجدي يعقوب
نصوص التعليق الصوتي | حماسي
الحماس اللي جوه كل واحد فينا الغيرة علي ناديه
الدوري الكأس البطولة الشهرة النجومية والجمهور الأهلي و الزمالك
لازم كلنا نكون قلب واحد النهاردة محتاجين مساعدتكم قبل تشجيعكم
علشان نفرح قلب كل طفل علشان مانسبش طفل واحد قلبه بيوجعه
في مؤسسة مجدي يعقوب للقلب كل جنيه بتتبرع بيه مش بس بينقذ قلب طفل
ده بينقذ حياة عيلة
حكاية من اتصالات
نصوص التعليق الصوتي | حماسي
نظام حكاية …. قريباً من إتصالات
المثل بيقول إضرب عصفورين بحجر
بس إتصالات ضربت تلات عصافير بحجر
و لأول مرة في مصر عملت نظام جديد
لا هو كارت و لا خط و لا هو كنترول
بس فيه مميزات الكارت و الخط و الكنترول
من غير عيوب الكارت و الخط و الكنترول
كل ده في نظام واحد ( نظام حكاااية )
ينضرب بيه المثل.
إتصالات .. كل يوم جديد
يا بهية حقك عليا
نصوص التعليق الصوتي | رومانسي
أمك بنتك مراتك أختك بنت أختك خالتك جدتك حفيدتك
الإحصائيات بتقول إن كل واحدة من كل تمن ستات معرضة للإصابة
بسرطان الثدي .. يا تري الدور علي مين فيهم !!؟
الدور عليك تحميهم دعمك اللي بتشارك بيه بيحمي ست غالية في حياتك
ويساعدها في حربها ضد سرطان الثدي و إحنا في بهية دورنا نساعد ستات أكتر
و بالمجان عشان يكسبوا معركتهم و يتغلبوا علي محنتهم
ساهموا علي حساب ( تمن ستات ) و شاركوا مؤسسة بهية في القضاء علي سرطان الثدي يا بهية حقك عليا
أورانج انترنت
نصوص التعليق الصوتي | حماسي
عرض ضعف باقات الإنترنت مع أسرع شبكة – أورانج
سارة عزمت عيلة العريس في البيت مممم تشيز كيك !!؟
ليه مبتقوليش علي الوصفة .. فكرت تقولها إنها جايباها جاهزة
بس خافت من النتيجة … سارة مضيعتش وقت دخلت علي النت تشوف الوصفة
في نفس الوقت إخواتها سألوا علي طريقة عمل التشيز كيك علي فيسبوك
و بسرعة نزلت أبليكيشن الوصفات فالوقت اللي مامتها حاولت تنقذ الموقف
و غمزت لخالها اللي كلم الشيف صاحبه عشان يستشيره سارة ظبطط الدنيا
و طمنت إخواتها و قامت بكل ثقة و قالت لحماتها الوصفة بالتفصيل
يا سلام عليكي يا سارة زي القمر بالفستان الأبيض
خليك مع أسرع شبكة فور جي من أورانج
من دلوقتي كل باقات الإنترنت بقت الضعف إبتداءا من عشرة جنيه
للإشتراك إبعت رسالة فاضية ل 3070.
معاك في اللي يهمك …… أورانج
حملة أنت أقوى من المخدرات
نصوص التعليق الصوتي | ملهم
ايوه بتسابق الزمن.. والوقت بيجري
أيوه عندك حلم.. والظروف بتتحداك
محتاج صبر.. محتاج إصرار
..محتاج مجهود
ايوه هتقع..
متستسلمش
قوم بسرعة
هي دي الرجولة
ايوه لكل خطوة هتاخدها …وعارف هتوديك ل فين
ايوه
اوعى تنسى نفسك… خاف على نفسك
ايوه متقلدش حد… خليك صاحب جدع
خليك راجل في عنيهم
ايوه عيش احلى ايامك
اضحك من قلبك واشتغل بقلبك
ايوه ..لازم تتحب
ايوه احلم ببكرة ..بالمستقبل…بالنجاح
قول ايوه لحياتك
ايوه لكل حاجة… توصلك
لا لكل حاجة … توقفك
انت أقوى من أي حاجة
ايوه
انت أقوى من المخدرات
مولتو
نصوص التعليق الصوتي | كوميدي
زي صاحبك …. مولتو معاك عالحلوة و الحادقة
صاحبك … هواا كده بيحبك علي فكرة بتقل دمك و لاذذتك
و مودك اللي رايح جاي علي طول لازق فيك كده بشعرك ده و اللي إنت لابسه
شايلك هه ومستحمل ظروفك فاهمك من غير ولا كلمة بينكم ثقة كده غير مبرره
لا بس دي غباوة معاك في أفكارك الهبلة يعني دايس في أي بتنجان بس يفوقك
وقت اللزوم هو مش بمزاجك أصلة هو ده صاحبك
مولتو معاك عالحلوة و الحادقة
نص للتعليق الصوتي, التعليق الصوتي , تعليق صوتي
نصوص التعليق الصوتي | المجموعة الثانية
الرشيدي الميزان
نصوص التعليق الصوتي | حماسي
الطاقة موجودة في كل مصري
في طبق فول
طعمية..
ساندوتش حلاوة
مع فطار حلو ساعة الصبحية
عارفين قيمتها كويس
وحلاوة الطاقة
انها بتخلينا.. نساعد بعض
نفرح .. نضحك .. نستجدع
وعشان الطاقة اللي جواك ما تخلصش
اديها حلاوة كل يوم
الرشيدي الميزان
محتاجين طاقتك وطاقتيك
وطاقة كل واحد فينا
اديها حلاوة… تديك طاقة
الرشيدي الميزان
أورانج موبايل
حصرياً موبايل فور جي بأحسن سعر في مصر من أورانج
شريف لاقي نفسه بيتشد بص قدامه لاقي ندي مطلعاه قدام الناس و بتقوله :
متيجي نغني الأغنية ديه !؟ فكر يقولها إنو ميعرفهاش بس لاقي النتيجة محرجة
شويتين وافق بسرعة و قالها أوكيه شريف مضيعش وقت و في لحظة كان علي النت بيشوف الأغنية و صاحبه الدي جيه بعتلة مزيكا بص بسرعة عل الكلمتين
دخل علي النت و لحق يتعلملة حركتين و بسرعة درب أحبالة الصوتية و كمان
إتصور وعمل أبلوود لصورته علي إنستجرام في لحظتها شريف خد الميكروفون
وقطعها غني مع ندي للصبح الله عليك يا فنان
خليك مع أورانج شبكة الفور جي لكل الناس و إستمتع ب لينوفو بي الجديد
حصرياً من أورانج بأحسن سعر في مصر ب 1299 جنيه بس و كمان هتقسط
علي 24 شهر ….. معاك في اللي يهمك ….. أورانج
مؤسسة قصر العيني
البنت : يالا يا ماما عشان نروح المدرسة عشان ألحق حصة الرسم
الأم : خلاص يا حبيبتي خلصت أهو يالا بقي لمي حاجتك
البنت : بصي يا ماما نفسي أكسب في مسابقة الرسم الجديدة
الأم : الله يا سارة رسمتك حلوة أوي إن شاء الله يا حبيبتي هتطلعي الأولي في حصة الرسم بس إنتي بقي تاكلي سندوتشاتك كلها و إوعي تنسي ها
خلي بالك من نفسك يالا عشان نلحق الباص
الإعلان : و لأن الحالات الطارئة محتاجة أقصي رعاية كان لازم تروح علي مستشفي طوارئ 185 القصر العيني اللي كان فيه فريق متكامل في إستقبالها
سارة بعد الإشاعات والتحاليل اللي علي أعلي مستوي كانت محتاجه تدخل جراحة سريع لأن عندها مشكلة في الطحال ده غير فريق المخ والأعصاب اللي بفضل الله سيطر علي النزيف و فريق العظام اللي قام باللازم و غير شرايح و مسامير
مستشفي 185 للطوارئ والحروق القصر العيني في خدمتك 24 ساعة وبالمجان
غرف عمليات للطوارئ أشعات وتحاليل أسرة للرعاية المركزية
خدمة طبية متكاملة مركز للحروق و قسم خاص لحروق الأطفال
تبرعك لمستشفي الطوارئ 185 هيرجع سارة تاني ترسم زي ما هي بتحب
و تكسب كمان في المسابقة
تبرعك لمستشفي الطوارئ و الحروق القصر العيني تبرعك النهاردة سندك لبكرة
إتبرع علي حساب 190190 جميع فروع البنك الأهلي المصري أو جميع فروع
البنك التجاري الدولي
هذه الحملة بدعم من جمعية أصدقاء المبادرة القومية ضد السرطان
سرطان الفقر ….. سرطان الجهل ….. سرطان المرض
• صلصة طماطم هاينز … حمراء وسميكة لأحلي تسبيكة
• موبينيل … إتكلم من القلب
• عافية زيت الدرة الأول في العالم العربي … عافية صحة و عافية
• هيد آند شولدرز ميه في الميه إزالة للقشرة لأن الشعر الجميل ميرضاش بالقشرة
• روابي إتنين كيلو أكل طعم مايتسابش مش أكل كتير مايتاكلش
• ميلودي تريكس … لو حياتك فاضية إملاها بال…….
• أيها السادة نأسف لقطع الإرسال لإذاعة هذا النبأ الهام
معجون أسنان كرست
نصوص التعليق الصوتي | تمثيلي
الطفل : يووووه هو كل يوم
الأب : خد و إلا الدكتور هيضطر يعمل حفرة في سنانك إززززز زززززز
الطفل : ها ها ها ها إشمعني كرست
الأب : دا بيقوي سنانك فبيمنع التسوس
الطفل : تسوس !!!؟
الأب : تعالي أوريك دكتور السنان بيشرحها إزاي قشرة البيضة فيها كالسيوم زي سنانك تمام الناحية دي بنضفها بكرست بتركيبة الفلوريد الفريدة فلورستات
و بعدين بنحط البيضة جوه الخل
الطفل : خل !!!؟
الأب : دا مفعوله علي القشرة زي الحامض اللي بتكونه بقايا الأكل علي سنانك
نسيبها كده لبليل … شايف الناحية ديه بقت طرية و ضعيفة
الطفل : عشان كده سناني إززززز بتسوس.
الأب : و ناحية كرست لسه قوية كرست بالفلورستات بيخلي سنانك قوية قوية
من التسوس محمية و كرست الآن بيقدملك عرض خاص فيه كل التوفير هتلاقي كرست عليه إستيكر أخضر ب 140 قرش فقط بدلاً من 190 قرش ..
كرست توفيره أكتر بكتير
معامل البرج
نصوص التعليق الصوتي | حماسي
سلوى … سلبيه
عشان دايما بتحافظ على وزنها
ونتيجة تحليل السكر عندها
دلوقتي طلعت سلبيه
لأنها بتحلل باستمرار
في معامل البرج
فاكتشفت المرض بدري
وقدرت تسيطر عليه
خليك إيجابي نتيجة تحليلك تكون سلبيه
زوروا معامل البرج
للتعرف والاستفادة
من العروض المميزة لمجموعة تحاليل السكر
معامل البرج
دقه تطمنك
نصوص التعليق الصوتي | حالم
هل من الممكنِ
أن تكونَ هُناكَ
الواناً لم ترها بَعد
و مذاقاً لم تستطعمه بعد
نسماتٍ لم تستنشقها بعد
و احساساً لم تدركه بعد
و نعومةً لم تلمسها بعد
نقاءً لم تتخيله بعد
شارب
تعرف على عالمك الجديد
شارب
قريباً من القلب
العربي
صناع الثقة
اتصالات كل يوم جديد
نصوص التعليق الصوتي | حماسي
اشترك في اتصالات ADSL
وهتاخد خصم 50 % لمدة 9 شهور
وكمان راوتر هدية
اتصالات …
كل يوم جديد
فودافون Red
نصوص التعليق الصوتي | رومانسي
اختلافكوا سبب في حاجات حلوة كتير
عشان كده فودافون عملت
Red him و her
مش لأي راجل … ولا لأي ست
فودافون Red
حاجه حلوه بين ايديك
مسابقة بيبسي ستارز
نصوص التعليق الصوتي | حماسي
عشان مشوار النجاح صعب
بيبسى عملتلك أكبر مشروع لرعاية المواهب فى الشرق الأوسط ,
بيبسى ستارز برعاية وزارة الشباب والرياضة ووزارة التربية والتعليم ,
بيبسى ستارز .. حقق حلمك
مكرونة الملكة
نصوص التعليق الصوتي | رومانسي مبهج
السنة دى الملكة بتشجع الكل يستجدع معاكى وعشان كدا هى كمان زودتلك 50 جرام هدية على كيس ال 400 جرام , عشان تسد معاكى وتشبع الكل
الملكة 15 سنة .. أجدع أكلة لأجدع ست
مياه نسلة
دي الازازة اللي العالم كله حبها
بس العالم اتغير
عشان كده غيرنا الازازة
نستلة بيور لايف الجديدة
لكل العيلة
عليها معيار يقولك
انت شربت قد ايه
وتقدر تمسكها بسهولة
كأنك ماسك 8 كوبايات
في ايد واحدة
الازازة العالمية دلوقتي في مصر
نستلة بيور لايف
اشرب أفضل..لحياة افضل
نسكويك
نصوص التعليق الصوتي | حماسي
خليهم يستمتعوا وهما بيكبروا
نسكويك بفوايد اللبن اللى محتاجينه وطعم الشوكلاته اللى بيحبوه
ودلوقتى فى أجازة الصيف شربيهم نسكويك باللبن الساقع
طعم رائع ومُنعش ,
نسكويك .. هما ولادنا هيكبروا كام مرة !
نسلة غذاء أفضل لحياة أفضل
أى سيتى
نصوص التعليق الصوتي | رومانسي حالم
أى سيتى …. أول مدينة من ماونتن فيو جمعت أحلى ما فى العالم ,
بيتك على جزيرتك وسط الطبيعة عشان نضملك الخصوصية ,
أى سيتى عشان إنت تستحق أحلى ما فى العالم .
جونسون
مع جونسون آمني بأن في كل لحظة من يومك حكاية بتقربك من طفلك في وقت
الإستحمام .. إبدئي بغسل شعره و تنضيف بشرته بلمستك الحنونة مع جونسون
[مقطع غنائي] الفقاعات دي شكلها حلوة. من حبي ليها بقولها غنوة
أغسل وشي و أغسل إيديا. و أدعكهم بصابون و مايه
واصلي حمامه من زيت جونسون للأطفال لتحفظي الرطوبة داخل جسمه مرتين
أكتر و بكدة تفضل بشرة طفلك ناعمة صحية و رطبة .. ليه تحممي طفلك بطريقة تانية لما فيكي تقدميلة أكتر و أكتر مع جونسون
أورانج
عشان مفيش حاجه بتروح عليك … أورانج عملتلك باقة فوكس دوبل فيها
90 وحدة أساسية و 30 وحدة هدية تستخدمهم دقايق ميجابايتس و رسايل
و اللي هيتبقي منهم مش هيروح عليك …. معاك في اللي يهمك … أورانج
فودافون عادل امام
نصوص التعليق الصوتي | حالم
غريبة حكاية الواحد منا .. كل واحد أهم واحد .. بضعفه أقوي ..
بحبه أجمل من أي واحد .. بإصراره ممكن يوصل .. و ف خياله بيعيش ..
عالم تاني مشفوش أي واحد .. ممكن بضحكة يأثر في واحد .. بحركة يقول
حكاوي كتير .. بكلمة يقرب الملايين .. و صوته يوصل لكل واحد ..
جدع ساعة الزنقة .. و بسيط و علي قد بساطته ملك بلمسة يقوم الدنيا ..
و من مكانه يحرك إحساس الواحد .. و هي دي قوة 80 مليون واحد
قوتنا مش إننا بقينا رقم واحد .. قوتنا في قوة كل واحد
فودافون قوتك في عيلتك
اعلان 500500
يعشان نفرحهم ممكن نعمل أي حاجه في الدنيا وإنتوا عشان تسعدوهم وتساعدوهم
في علاجهم .. ساهموا معانا في بني مستشفي 500500 أكبر مستشفي في العالم لعلاج السرطان
بالمجان
IVR lines
• هذا الرقم غير متاح حالياً من فضلك حاول الإتصال في وقت لاحق
• عفواً لقد نفذ رصيدكم يرجي إعادة شحن الرصيد و إعادة المحاولة
• لو عاوز الكول تون ديه دوس نجمة و لو عاوز أغنية حماقي الجديدة دوس واحد
اعلان لوكس
جديد من لوكس صابون الإستحمام السائل جوهر العطور الراقية
من لائلئ العطور الراقية يالي بتغمر بشرتك لساعات طويلة بعد الإستحمام
جديد من لوكس ……. جوهر العطور الراقية
اقرأ أيضا نصوص التعليق الصوتي
مرتبات الفويس اوفر , 3 طرق لحساب اسعار التعليق الصوتي